ബെരിന്‍ കുത്തിരിക്കിന്‍

CLICK TO READ IN ENGLISH

എല്ലാരും ബെരിന്‍, കൊണോം മണോം ഒന്നും നോക്കണ്ട. പള്ള നറച്ചും കയിചോളി.

കടത്തനാടന്‍ അല്ലെങ്കില്‍ വടകര ഫുഡ്‌ ഐറ്റംസ് ആണ് നിരത്തി വെച്ചിരിക്കുന്നത്. പരിച്ചയമില്ലാത്തവര്‍ക്കായി പരിചയപ്പെടുത്താം.

ടയര്‍ പോലെ കിടക്കുന്ന 'പത്തില്‍' ആണ് ആദ്യത്തേത്. ചിലര്‍ ടയര്‍ പത്തില്‍ എന്നും പറയാറുണ്ട്. ചില പുരോഗമാനക്കാര്‍ എം ആര്‍ എഫ് എന്നൊക്കെ പറഞ്ഞുകളയും. വെറും അരച്ചെടുത്ത അരി മാത്രം ആണ് ഇതുണ്ടാക്കാന്‍ ആവശ്യമുള്ള സാധനം. മണ്ണ് കൊണ്ടുള്ള ഫ്രൈ പാന്‍ പോലത്തെ ഒരു പാത്രത്തില്‍ [ഓട്ടു കല്ല്‌)-,] ച്ചുട്ടെടുക്കുന്നത് കൊണ്ട് ഇതിനു ഓട്ടുപത്തില്‍ എന്നും പറയും.

ഇടത്തെ സൈഡില്‍ കാണുന്നത് അട്ടിപ്പത്തില്‍., അരച്ച അരി നെഇസായി പരത്തി ഇടയില്‍ മീനോ ഇറച്ചിയോ ചേര്‍ത്ത മസാല നിറച്ച്‌ അങ്ങനെ അഞ്ചോ ആറോ ലയര്‍, [എഴുതുമ്പോള്‍ തന്നെ വായില്‍ വെള്ളം നിറയുന്നു] എന്നിട്ട് അത് ആവിയില്‍ വേവിച്ചെടുക്കുന്നു. എനിക്ക് ഭയങ്കര ഇഷ്ടമാണ് ഈ പറഞ്ഞ അട്ടിപ്പത്തില്‍.

നീല പ്ലേറ്റില്‍ കാണുന്നത് കുഞ്ഞിപ്പത്തില്‍.,

ആദ്യം പറഞ്ഞ ഓട്ടു പത്തിലിന്റെ മൈക്രോ വെര്‍ഷന്‍.,

ചെറിയ ചെറിയ പത്തിലുകള്‍ ഉണ്ടാക്കി, ആവിയില്‍ വേവിച്ചെടുത്ത് പിന്നെ തേങ്ങ അരച്ച് ഉണ്ടാക്കിയ ഒരു പ്രത്യേക മിശ്രിതത്തില്‍ ഒരു കുഴചെടുക്കലുണ്ട്, ഇത് ഒരിക്കലെങ്കിലും കഴിച്ചിട്ടില്ലെങ്കില്‍ ജീവിതം പാതി പോയി.!

ഇതിനൊക്കെ കൂട്ടാനുള്ള കറികള്‍ ആണ് പിന്നെ,

ആദ്യം കാണുന്നത് ചിക്കന്‍ കറി, 

വീട്ടില്‍ തന്നെ ഉണ്ടാക്കി പൊടിച്ചെടുത്ത കുരുമുളകൊക്കെ ഇട്ട് ഉണ്ടാക്കിയ നല്ല പഷ്ട് സാധനമാണ് ആകിടക്കുന്നത്.

പിന്നെ മഞ്ഞ കളര്‍ കുറച്ചു കൂടുതല്‍ ഉള്ളത് തേങ്ങ അരച്ചുണ്ടാക്കിയ അയക്കൂറ കറി. [വായീന്നു ഒരു തുള്ളി കീ ബോര്‍ഡില്‍ ഉറ്റി. ആരോടും പറയണ്ട]

പിന്നെ പൊരിച്ച മീന്‍ എല്ലാര്ക്കും അറിയാലോ? ആ കാണുന്ന മീന്‍ ചെറിയ അമൂര്‍ ആണ്. അത് അറബി പേരാണെന്ന് തോന്നുന്നു. മലയാളം അറിയില്ല.

അപ്പൊ എല്ലാര്ക്കും സന്തോശായല്ലോ?

എന്‍റെ അമ്പതാം പോസ്റ്റിട്ട് ചെലവ്‌ തന്നില്ല എന്ന് പറയരുത്. വയര് നിറച്ചും കഴിച്ചിട്ട് പോയാ മതിട്ടോ

അടുത്ത പോസ്റ്റിലേക്ക് 

ഇഷ്ടായെങ്കില്‍ ലൈക്‌ തരാന്‍ മറക്കല്ലേ...